Ausflüge 2020


12.09.2020 Veloausflug

bericht

Der Velousflug hei mir wäg Corona nid grad ganz wöue lah gheie. Mir hei entschiede e eitägegi Tour ir Region z’mache u zum Abschluss dä Tag by Gerbers uf der Bäregg lah us z’klinge. Ds Datum hei mir uf e 12. September 2020 feschtgleit.

 

 

 

Am nüüni chöi mir im Bärau starte,

 

Bir Ifischäsi tuet de der Räscjte warte.

 

De geits zügig der Waudhüserezue,

 

Dä Ufstieg git üs scho z’chiiche gnue!

 

 

 

Der Wirt seit by ihm sig itz uf jede Fau,

 

Die schönschti Ussicht vom ganze Ämmitau!

 

Mir gniessedas mit Kaffi u Nussgipfu

 

U nähr geit’s über d’Höger ar Tausagi zue!

 

 

 

Der isch de scho üses Zmittag parat.

 

Es git di obligate Spaghetti mit Salat!

 

Nach ere Riiseportion hätte mir eigentlich gnue,

 

Aus Überraschig git’s aber no e Glace derzue!

 

 

 

Über Lützuflüeh geit’s de der Banzebärg uf,

 

Das nimmt ü sitz no einisch der Schnuuf!

 

Übere ere Haut ir Bäsebeitz sy du aui froh,

 

Mir hei ändlich, ändlich es Bierli übercho!

 

 

 

Die Einte finge nähr daheime ds Dusche tou.

 

Die Angere gniesse es „SCHNÄUS“ im Hirsche Langnou!

 

Uf der Bäregg verwöhne üs de Chrigu u d’Brigitte,

 

Dä Abschlss isch eifach no e MEGA HIT!!

 

 

 

Brigitte, Chrigu u Ädu mir danke viu Mau!!

 

fotos