anlässe 2021

velotour 21.08.2021

bericht

 

By super Wätter isch es wider e mau nache,

U mir chöi trotz CORONA d’Velotour mache!

Am achti chöi di erschte im Bärou starte,

Der Räschte tuet nähr ir Ilfis-Chäsi warte.

 

Es geit über Schüpbach, Kapf uf Röthebach ache,

Dert tüe mir ir Moospinte e Kaffihaut mache.

De geits witer u mir stüüre der Schneehas im Eriz a

Mir müesse wider nöii Ernergie für‘s Tschaupe ha.

 

Es het gheisse äs göng eifach am 99-gi nache,

De söttes aber de würklich aui e so mache!

Nid eifach irgenwo by me Grebli links abha

U Authus Ürsu‘n im Nirgendwoh lah stah!

 

Es isch veiechli e Chrampf eso obsi z’fahre

Henen isch es im Schneehas du ids Wadli gfahre!

Är trappet desume u weis nid was mache

U mir  Lööle tüe auzäme nume drüber lache!

 

Jüre het aber ds Ladegrät leider daheime glah,

Im Schneehas hät är’s aber dringen nötig gha!

Är het du ds Velo hinger uf e Bäsewage ta

Us du eifach grad bis ids Bärau druffe gla!

 

Dert git’s itz Salat u Spaghetti Bolo oder eso,

Eis zwöi Bierli u chli Rote hei mir ono gnoh!

O d’Ladegrät hei mir dert itze füre gno,

So das o d‘Veloakku wider Saft hei übercho.

 

Üser Akku sy ufglade u mir stige wider uf,

Der Ufstig über d’Gemmi brucht no chli Schnuuf!

De geits wider nidsi Richtig Löie Schangnou zue,

Dert git’s itz no einisch z’Treiche bis gnue!

 

By me Haar wär när aues wie planet usecho,

We Chrigu nid unbedingt im Jahresbricht wet cho!

Är het e Trottoirrand breicht u z’Bode müesse

U mit eme kaputte Länker u Euboge müesse büesse.

 

Gäge Aabe sy mir aui verschwitzt im Bärau acho,

Die Meischte hei zur Erfrüschig zersch es Düscheli gno.

De hei mir üs uf der Bäregg no zur Uslumpete troffe

Hei super guet gässe u zum teu o no chli z’viu gsoffe!

 

Danke Brigitte u Chrigu für d’Bewirtig – Es het gfägt!! 

 

Altjahrshöck 18.12.2021

bericht

 

Zum Autjahrshöck vom Samschtig, 18.12.2021 hei sich trotz de verschärfte Corona-Vorschrifte 18 Männerriegeler ir Sonne Bärau troffe.  Mi het gmerkt, dass by de Meischte z’Training bym Chegle gfäut het u nid au sy mit de erreichte Punkt z’fride gsy. O bym Jasse hets aber nid würklich besser tönt. Es het aber trotz auem guet tah, wider einisch chli mit enang z’brichte u luschtig sy.

 

Rangliste:

 

 

 

Rang

Name

Jassen

Kegeln

Total Rangpunkte

1.

Berger Jürg

1.

7.

8

2.

Röthlisberger Daniel

2.

8.

10

3.

Zaugg Karl

3.

8.

11

4.

Siegenthaler Peter

9.

2.

11

5.

Moser Jürg

5.

8.

13

6.

Gerber Jürg

8.

5.

13

7.

Gerber Christian

4.

12.

16

8.

Schenk Andreas

13

4.

17

9.

Röthlisberger Walter

7.

10

17

10.

Friedli Konrad

17.

1.

18

11.

Hofer Urs

15.

3.

18

12.

Zaugg Roland

12.

6.

18

13.

Zaugg Fritz

6.

13.

19

14.

Hubler Martin

11.

9.

20

15.

Dellenbach Hans

14.

8.

22

16.

Blaser Urs

9.

15.

24

17.

Hubler Thomas

10.

14.

24

18.

Hubler Robert

16

11.

27

 

 

Anlässe 2020

Wegen CORONA-Restriktionen wurden alle Anlässe abgesagt