anlässe 2015


12.12.2015 altjahrshöck

bericht

Am Samschtig 12. Dezämber 2015, sy am Autjahrshöck ir Sunne trotz paarne Entschuudigunge gliich no 20 Pärsone erschine. O das Jahr hei us gsundheitliche Gründ nid au bym Chegle mitgmacht, aber 14 Männerriegeler heis gliich wöue wüsse. Ds Ergäbniss isch aber nid grad beruschend gsy u meh weder e Sächserschitt het by keim usegluegt. Gäng wie gäng isch am sibni für Znacht ungerbroche worde. Früsch gschterkt isch nächhär mit em Jassturnier wytergange. D‘Erstellig vor Ranglischte het du no e chli z’Brichte gäh. I has aber mit viu Gummele du doch no chönne errangge u das Jass-u Cheguturnier mit 4 Rangpunkt gwunne, vor Dellenbach Hans, punktgliich mit Zaugg Fritz mit 7 Rangpunkt. Um die 1. Plätz isch es auso o das Jahr äng zue gange. Scho glii einisch sy die Erschte müed u zfriden heizu tschöttelet. Es isch wider einisch gmüetlich u z’friden gsy!

fotos


06./07.11.2015 sportpanorama

am wuchenänd vom 06./07. novämber 2015 isch i ds sportpanorama im bärau yglade worde. dä alass isch e suuper erfoug gsy für d’turnvereine bärau. sogar fasch der haub gmeindrat u süsch no e huufe prominänti verträtter us angerne vereine oder gschäft vo langnau sy unger de zueschouer gsy. i ha vo aune site nume viu gueti u positivi rückmäudige übercho. es het aber e grosse ysatz vo aune brucht, o bsungers vo üs männerriegler. mit em yrichte isch bereits am mittwuche agfange worde u es sy a beidne aabe totau guet 120 nase im ysatz gschtange um dä ganz aalass chönne z’stemme. e härzliche dank a aui wo vor mr mitgmacht hei.

 

 


04.07.2015 bräteln bei chrigu

bericht

14 männerriegeler hei sich am namittag by chrigun uf der bäregg zum spiele u brätle troffe. zwöi riis hei gjasset so guet dass sie's hei chönne u die angere hei probiert boule z'spile. es isch eine vo de heissischte tage gsy u entsprächend sprützig hei mir üs o bewegt. am füfi het's langsam afa nach feine grillade schmöcke u ds jasse u chügele isch ungerbroche worde. es paar hei sich leider gly druf müesse usklinke, wiu sie no öppis angers los hei gha u so isch dä gmüetlich namittag langsam usplampet. chrigu u brigitte danke viu mau, es isch gäng e super namittag by öich!!

fotos


28.05.2015 platzgen beim turm

bericht

a eim vo de erschte warme summeraabe sy am 28. mai 2015, 17 männerriegler zum gmüetliche platzge bym turm ytroffe! es isch schön, we o die eutere a däm aalass mitmache, o we aube nid au zäme am platzge teilnäh. 12 nase heis aber du wöue wüsse u sie hei dä wettkampf i aagriff gnoh. es isch nid grad aune glich guet gange u d’platzge sy mängisch rächt im züg ume gumpet. könu het das turnier suverän mit 1‘756 punkt vor mir mit 1‘750 u aeschbacher wernu mit 1‘732 punkt gwunne! es feins fittnesstäuer, es glässeli u es gut gschunggets platzgerkafi hei dä gmüetlich aabe abgrundet. es härzlichs "dank heigisch" a platzgerfroue u-manne für ihre ysatz.

fotos


männerriegereise pfäffikersee auffahrt 2015

bericht

ar uffahrt vom 14.05.2015 het der summer-car bis i truebschache 31 pärsone ygsammlet gha. by gäbigem wätter sy mir über luzern - hirzel nach schöneberg zuegfahre. nach eme kafihaut isch es via rapperswil üsem ziu am pfäffikersee zuegange. öppe d'heufti het der schön wanderwäg dür ds naturschutzgebiet ume see i aagriff gnoh u di angere hei sich zyt im restaurant oder am see vertribe. am drü sy mir mit em car via autobahn zürich - aarau richtig reiden gfahre. nach eme bislihaut sy mir müed u zfriden über huttwil wider am bärau zuetuckeret, wo mir dä wunderbar tag wie gäng ir sunne abgschlosse hei!

fotos


09.04.2015 bowlingturnier

bericht

am 09. apriu 2015 het der scl daheim ds 4. spiu ume ufstig gwunne u isch i d’nati a ufgschtige. 7 männerriegeler het das aber nid kratzet u sie hei im bowling-zänter ume meischter kämpft! nach zwo rundine isch no aus rächt äng binang gsy, aber nächär het moser jürgu du no e super rundi häregleit u dä aabe ganz klar zu sine gunschte entschide. nach em obligate glässeli u me kafi sy mir du no vor em ufstiegsklamauk hei zue. übrigens härzlechi gratulation de scl tigers u am natürlich o am bowlingmeischter.

 

Rang

Name

1. Passe

2.  Passe

3.  Passe

Total

1.

Moser Jürg

127

103

137

367

2.

Hubler Robert

109

127

114

350

3.

Schenk Andreas

106

125

109

340

4.

Hubler Martin

123

106

104

333

5.

Hubler Thomas

104

105

119

328

6.

Aeschbacher Werner

83

110

92

285

7.

Zaugg Fritz

74

83

77

234

fotos


02.04.2015 kuttelnessen

bericht

am gründonnerstag, 02. april 2015 traffen sich 12 männerriegeler und chrigus brigitte zum kutteln-essen im hirschen. am anfang war es etwas sehr laut zu und her gegangen, weil sich gleichzeitig der lions-club zum apéro in der gaststube niedergelassen hat. nach einiger zeit wurde es aber wieder etwas ruhiger und wir konnten die feinen kutteln geniessen. es war wieder ein gemütlicher abend und manche anekdote von füher wurde erzählt. müde und zufrieden kehrten wir am späteren abend wieder nach hause zurück.


19.02.2015 hv

bericht

trotz 10 entschuldigungen konnte der präsi 19 mitglieder an der hv begrüssen. das protokoll der letzten hv, der sehr lange und ausführliche jahresbericht des präsi und die erfreuliche rechnung wurden alle mit grossem aplaus genehmigt. der schreiber christian gerber, kassier jürg berger und rechnugsrevisor jürg moser haben sich für eine neue legislatur bereit erklärt. auch sie wurden mit grossem aplaus bestätigt. das umfangreiche tätigkeitsprogramm wurde genehmigt. die mr-reise am auffahrtstag geht dieses jahr an den pfäffikersee. für den 2-tägigen veloausflug stellt uns konrad friedli sein ferienhaus in salavaux zur verfügung. es ist ebenfalls geplant, verschiedenste faustballturniere zu bestreiten. aber auch die geselligen anlässe wie bowling, platzgen, bräteln etc. sind wieder eingeplant. für das neue vereinsjahr soll ein neuer trainer und ein spieldress angeschafft werden. nach der hv wurde der abend mit einem gemütlichen essen abgeschlossen. ein herzlicher dank geht an alle, die sich auch im neuen vereinjahr für die männerriege bärau einsetzen.